என்னை அறிதல்

உன்னை அடையாளம் 
காட்டமுடியவில்லை என்னால் 
உன் வெற்றிடத்தையும் 
நிரப்ப முடியவில்லை என்னால் 

நீ இருக்கிறாய் என்பதை மட்டும் 
உணர முடிகிறது 
தேடி அலைகிறேன் 
இந்த பிரபஞ்சம் முழுவதும் 
நினைவின் நீட்சி எல்லை தாண்டி செல்கிறது 
நீ இருந்தததற்கான 
அத்தனை தடயங்களையும் 
தூசு தட்டி பார்க்கிறேன். 

என் தனிமையை 
உன்னைக் கொண்டு நிரப்பிக் கொள்கிறேன் 
வனாந்தர உலகை காண்கிறேன். 
மூளை முழுக்க போதை 
காட்டாற்று வெள்ளம் போல் எண்ணங்களின் சீற்றம் 
ஓட்டம் கொள்ளத் துடிக்கிறேன் ஊர் ஊராய்
நீ என்னிலிருந்து வெளியேறும் வரை.